ஜனா­தி­ப­தி­யாக தெரிவு செய்­யப்­பட்டால் அமெ­ரிக்கா முகங்­கொ­டுத்­துள்ள அச்­சு­றுத்­தல்­களை முறி­ய­டிப்பேன்

ekuruvi-aiya8-X3

அமெ­ரிக்க ஜனா­தி­ப­தி­யாக தான் தெரிவு செய்­யப்­பட்டால் அமெ­ரிக்கா முகங்­கொ­டுத்­துள்ள பல்­வேறு அச்­சு­றுத்­தல்­க­ளையும் எதிர்­கொண்டு முறி­ய­டிக்கப் போவ­தாக டொனால்ட் டிரம்ப் சூளு­ரைத்­துள்ளார்.

கிளேவ்­லாண்ட்டில் குடி­ய­ரசுக் கட்­சி­யின் ஜனா­தி­பதி வேட்­பாளர் நிய­ம­னத்தை உத்­தி­யோ­க­பூர்­வ­மாக கையேற்று உரை­யாற்­று­கை­யி­லேயே அவர் இவ்­வாறு தெரி­வித்தார்.

“தற்­போது எமது நாட்டை துன்­பு­றுத்தி வரும் குற்­றச்­செ­யல்­களும் வன்­மு­றை­களும் விரைவில் முடி­வுக்கு கொண்டு வரப்­படும்” என அவர் தெரி­வித்தார்.

தனது ஜனா­தி­பதி பத­வி­யா­னது அமெ­ரிக்­காவும் சாதா­ரண மக்­களும் புதிய சகாப்­த­மொன்­றுக்குள் பிர­வே­சிப்­பதற்கு கட்­டியம் கூறு­வ­தாக அமையும் என அவர் கூறினார்.

குடி­ய­ரசுக் கட்சி செனட்­சபை உறுப்­பி­ன­ரான ரெட் குரூஸ் டொனால்ட் டிரம்ப்­பிற்கு ஆத­ர­வ­ளிக்க மறுத்­த­மைக்கு மறு­நாளே அவ­ரது இந்த உரை இடம்­பெற்­றுள்­ளமை குறிப்­பி­டத்­தக்­கது. ரெட் குரூஸ் குடி­ய­ரசுக் கட்­சியின் ஜனா­தி­பதி வேட்­பாளர் தெரி­வுக்­கான வாக்­கெ­டுப்பில் டொனால்ட் டிரம்ப்பின் முக்­கிய போட்­டி­யா­ள­ராக விளங்­கி­யமை குறிப்­பி­டத்­தக்­கது.

அதே­ச­மயம் டொனால்ட் டிரம்பின் ஜனா­தி­பதி வேட்­பாளர் நிய­ம­னத்­திற்கு எதிர்ப்புத் தெரி­விக்கும் வகையில் முன்னாள் ஜனா­தி­ப­தி­க­ளான ஜோர்ஜ் எச்.டபிள்யூ. புஷ் மற்றும் ஜோர்ஜ் டபிள்யூ புஷ் உள்­ள­டங்­க­லான ஏனைய சிரேஷ்ட குடி­ய­ரசுக் கட்சி உறுப்­பி­னர்கள் அந்த நிகழ்வில் பங்­கு­பற்­றாது பகிஷ்­க­ரிப்புச் செய்­தி­ருந்­தனர்.

இந்­நி­லையில் ஒரு மணி நேரத்­துக்கும் அதி­க­மான நேரம் உரை­யாற்­றிய டொனால்ட் டிரம்ப், இஸ்­லா­மிய அடிப்­ப­டை­வா­திகள், ஆவ­ணப்­ப­டுத்­தப்­ப­டாத குடி­யேற்­ற­வா­சிகள் மற்றும் வாணிப உடன்­ப­டிக்­கைகள் என்­ப­வற்றால் நாட்டின் பாது­காப்பு அச்­சு­றுத்­த­லுக்­குள்­ளா­கி­யுள்­ள­தாக கூறினார்.

“நாம் எமது நாட்டில் பாது­காப்பு, சுபீட்சம் மற்றும் சமா­தா­னத்தை மீள ஏற்­ப­டுத்த வேண்­டி­யுள்­ளது. எமது நாடு தயா­ள­முள்­ளதும் இத­மா­ன­து­மான நாடாக இருக்­கலாம். ஆனால் அதே­ச­மயம் இந்த நாடு சட்டம் ஒழுங்­கு­டைய நாடா­கவும் இருக்கும்” என அவர் தெரி­வித்தார்.

“கட­மை­யுடன் பணி­யாற்றி தமக்­கென குரல் கொடுக்­கா­துள்ள மறக்­கப்­பட்ட அமெ­ரிக்­கர்­க­ளுக்கு, நான் உங்­களின் குர­லாக இருக்­கிறேன்” என டொனால்ட் டிரம்ப் கூறினார்.

அவர் தனது உரையின் போது ஒவ்­வொரு சந்­தர்ப்­பத்­திலும் ஜன­நா­யகக் கட்­சியைச் சேர்ந்த போட்டி வேட்­பாளர் ஹிலாரி கிளின்­ட­னுக்கு எதி­ரான கருத்­து­களை முன்­வைத்தார்.

முன்னாள் இரா­ஜாங்கச் செய­லா­ள­ரான ஹிலாரி கிளின்டன் நாட்டை மர­ணா­பத்­தா­னதும் குழப்­ப­க­ர­மா­னதும் பல­வீ­ன­மா­ன­து­மான நிலைக்கு இட்டுச் சென்­றுள்­ள­தாக அவர் குற்­றஞ்­சாட்­டினார்.

அமெரிக்காவிற்கு முதலிடம் கொடுப்பதாக தனது திட்டங்கள் உள்ளதாக குறிப்பிட்ட டொனால்ட் டிரம்ப், அமெரிக்காவுக்குள் சட்டவிரோத குடியேற் றவாசிகளும் குற்றச்செயல்களில் ஈடுபடும் குழுக்களும் போதைவஸ்துக் கடத்தல்காரர்களும் வருவதைத் தடுக்க பாரிய சுவரை எழுப்பப் போவ தாக தெரிவித்தார்

Share This Post

Post Comment