ஸ்ரீஹரிகோட்டாவில் இருந்து ஜூன் 22-இல் 20 செயற்கைக் கோள்கள் விண்ணில் ஏவத் திட்டம்

sriharikottaஸ்ரீஹரிகோட்டாவில் உள்ள இந்திய விண்வெளி ஆய்வு மையத்தில்(இஸ்ரோ), வரும் 22-ஆம் தேதி 20 செயற்கைக்கோள்கள் ஏவப்பட உள்ளதாக அதன் தலைவர் ஏ.எஸ்.கிரண்குமார் ஞாயிற்றுக்கிழமை தெரிவித்தார்.

தமிழ்நாடு வீரசைவப் பேரவை மாநில மாநாடு மன்னர் திருமலை நாயக்கர் கல்லூரியில் ஞாயிற்றுக்கிழமை நடைபெற்றது. இதில் பங்கேற்ற இஸ்ரோ தலைவர், செய்தியாளர்களிடம் கூறியது:

இந்திய விண்வெளி ஆய்வு மையம் தன்னிறைவு பெறுவதற்கான முயற்சிகளில் ஈடுபட்டு வருகிறது. என்ஜின் தொழில்நுட்பத்துக்காக வளர்ந்த நாடுகளை சார்ந்திருக்கும் நிலைமையை மாற்றி வருகிறோம். நமது செயற்கைக்கோள்கள் மட்டுமின்றி வெளிநாடுகளின் செயற்கைக்கோள்களையும் விண்ணுக்கு அனுப்பி வைக்கிறோம்.

அந்த வகையில் வரும் 22-ஆம் தேதி ஸ்ரீஹரிகோட்டாவில் உள்ள இஸ்ரோ ஏவுதளத்தில் இருந்து 20 புதிய செயற்கைக்கோள்களை ஏவ உள்ளோம். இதில் சத்யபாமா பல்கலைக்கழகத்தின் செயற்கைக் கோள், புனே பல்கலைக்கழகத்தின் செயற்கைகோள், இஸ்ரோவின் கார்ட்டோசாட் 2 ஆகிய 3 செயற்கைகோள்கள் நம்முடையவை.

மற்ற 17 செயற்கைக்கோள்கள் அமெரிக்கா, ஜெர்மனி, கனடா, இந்தோனேசியா உள்ளிட்ட வெளிநாடுகளின் செயற்கைக்கோள்கள்.

கார்ட்டோ சாட் 2 செயற்கை கோள் மூலம் பூமியின் செயல்பாடுகளை கண்காணிக்க முடியும்.

மேலும் ஜிஎஸ்எல்வி மாக் 2 ராக்கெட் ஆகஸ்ட் மாதம் ஏவப்பட உள்ளது. இது பூமியின் தட்பவெப்பம், ஈரப்பதம், முப்பரிமாண படங்கள் ஆகியவற்றை சேகரித்து அனுப்பக்கூடியது. இதன் மூலம் பூமியில் ஏற்படும் புயல் போன்ற தட்பவெப்ப மாறுதல்களை துல்லியமாகக் கூறமுடியும். இது வானிலை ஆய்வு மையத்துக்காக அனுப்பப்படுகிறது.

வருங்காலத்தில் ஆண்டுக்கு 2 ஜிஎஸ்எல்வி மாக் 2 ராக்கெட்டுகளை அனுப்ப திட்டமிட்டுள்ளோம். இது உலகநாடுகளில் அமெரிக்காவுக்கு அடுத்தபடியாக இந்தியாவில் மட்டுமே உள்ளது.

ஜிஎஸ்எல்வி மாக் 3 ராக்கெட் டிசம்பர் மாதம் ஏவ திட்டமிடப்பட்டுள்ளது. இதன்மூலம் 4 டன் எடையுள்ள செயற்கைக் கோள்களை எடுத்துச் செல்லமுடியும். இது 280 கிலோமீட்டர் முதல் 32 ஆயிரம் பிஸ்எல்வி 32 ஆயிரம் கிலோமீóட்டர் சுற்றுவட்டப் பாதையில் இயங்கும்.

செயற்கைக்கோள்களை விண்ணில் செலுத்தி விட்டு மீண்டும் திரும்பும் மறு பயன்பாட்டு விண்வெளி வாகனம் தொடர்பான ஆய்வுகள் பரிசோதனை முறையில் உள்ளன.

விரைவில் செயல்பாட்டுக்கு கொண்டு வரத் திட்டமிடப்பட்டுள்ளது. இந்த வானத்தின் மூலம் செயற்கைக்கோள்களை விண்ணில் செலுத்துவதற்கான செலவு மிகவும் குறைவாகும். இவ்வாறு கிரண்குமார் செய்தியாளர்களிடம் கூறினார்.






Related News

  • சபரிமலை விவகாரம் அனைத்துக் கட்சி கூட்டத்தில் காங்கிரஸ் பாரதீய ஜனதா வெளிநடப்பு
  • கஜா புயல் தனியார் நிறுவன பணியாளர்கள் மாலை 4 மணிக்குள் வீடு திரும்ப வேண்டும் -தமிழக அரசு
  • அரசு முறை பயணமாக வியட்நாம் செல்கிறார் ஜனாதிபதி ராம்நாத் கோவிந்த்
  • தமிழகத்தை நெருங்கும் கஜா புயல் இன்று இரவு முதல் மழை பெய்யும்
  • அய்யப்பன் ஆசிர்வாதமே காரணம் – சபரிமலை தந்திரி
  • நாடு மக்களால் நடத்தப்படுகிறது; ஒரு மனிதரால் அல்ல என்பது கூட பிரதமர் மோடிக்கு தெரியாது – ராகுல் காந்தி
  • சபரிமலை வழக்கை மீண்டும் விசாரிக்க சுப்ரீம் கோர்ட் முடிவு
  • அலிபாபா ஆன்லைன் நிறுவனத்தில் 2 நிமிடத்தில் ரூ.10 ஆயிரம் கோடிக்கு விற்பனை
  • Leave a Reply

    Your email address will not be published. Required fields are marked as *

    *