கூகுளிடம் பிழையை எடுத்துக் கூறி ரூ.71 லட்சம் பெற்ற பெண்

mobileகூகுள் நிறுவனத்தின் பிக்சல் ஸ்மார்ட்போன்களில் பாதுகாப்பு பிழையை கண்டறிந்த ஆராய்ச்சியாளருக்கு கூகுள் நிறுவனம் 112,500 டாலர்கள் (இந்திய மதிப்பில் ரூ.71,83,300) வழங்கியுள்ளது.
ஆண்ட்ராய்டு பாதுகாப்பு விருதுகள் திட்டத்தின் கீழ் கடந்த ஆண்டு ஆகஸ்டு மாதம் குவாங் கோங் என்பவர், தான் கண்டறிந்த பிழையை சமர்பித்தார். இவரது பிழையை உறுதி செய்த கூகுள் கோங்-க்கு 1,05,000 டாலர்கள் (இந்திய மதிப்பில் ரூ.66,90,075) சன்மானம் வழங்கியுள்ளது.
கூகுள் வரலாற்றில் இத்தகைய சன்மானம் வழங்கப்பட்டிருப்பது இதுவே முதல்முறையாகும். இத்துடன் குரோம் ரிவார்ட்ஸ் திட்டத்தில் கூடுதலாக 7500 டாலர்கள் (இந்திய மதிப்பில் ரூ.4,78,900) வழங்கப்பட்டிருக்கிறது. ஆண்ட்ராய்டு டெவலப்பர் வலைப்பக்கத்தில் இந்த பிழையின் தொழில்நுட்ப விவரங்களை கூகுள் பதிவிட்டிருக்கிறது.
முக்கியத்துவம் வாய்ந்த பாதுகாப்பு பிழையை கண்டறிந்து, கூகுளிடம் தெரிவித்தமைக்கு கோங் மற்றும் கியூஹூ 360 டெக்னாலஜி நிறுவனத்தை சேர்ந்த ஆல்பா குழுவினருக்கு கூகுள் சார்பில் நன்றி தெரிவிக்கப்பட்டுள்ளது. 2017 டிசம்பர் மாத பாதுகாப்பு அப்டேட்டில் மட்டும் 42 பிழைகள் சரி செய்யப்பட்டதாக கூகுள் தெரிவித்திருக்கிறது.
ஆண்ட்ராய்டு இயங்குதள பாதுகாப்பை உறுதி செய்யும் நோக்கில் ஆண்ட்ராய்டு பாதுகாப்பு ரிவார்ட்ஸ் திட்டத்தில் பிழைகளை கண்டறியும் பாதுகாப்பு ஆய்வாளர்களுக்கு கூகுள் சார்பில் சன்மானம் வழங்கப்பட்டு வருகிறது. அக்டோபர் 2017-இல் கூகுள் பிக்சல் 2, கூகுள் பிக்சல், பிக்சல் XL மற்றும் கூகுள் பிக்சல் சி உள்ளிட்ட ஸ்மார்ட்போன்கள் ஆண்ட்ராய்டு ரிவார்ட்ஸ் திட்டத்தில் இடம்பெற்றிருந்தன.





Related News

  • பேஸ்புக் நிறுவனர் மார்க் சூகர்பெர்க் சேர்மன் பொறுப்பில் இருந்து நீக்கப்படுகிறாரா?
  • 50 கோடி மொபைல் இணைப்புகள் துண்டிக்கப்படும் அபாயம் -ஆதார் ஆணையம் மறுப்பு
  • பிரம்மோஸ் ஏவுகணை தொடர்பாக உளவு பார்த்ததாக ராணுவ வீரர் ஒருவர் கைது
  • உலகம் முழுவதும் முடங்கியது யூடியூப், பயனாளர்கள் அவதி
  • நிலவில் மனிதன் கால் வைத்தது உண்மை இல்லை என கூறும் மற்றொரு வீடியோ வெளியானது
  • விண்வெளிக்கு மனிதர்களை அனுப்பும் திட்டம் – கைவிட்டது ரஷ்யா
  • பயனாளர்களின் தனிப்பட்ட தகவல் திருடப்பட்டதாக சர்ச்சை எழுந்த நிலையில் கூகுள் பிளஸ் நிறுத்தப்படுகிறது
  • போலி செய்திகளை எங்களுடைய தளத்தில் அனுமதிக்க மாட்டோம் தேர்தல் ஆணையத்திடம் பேஸ்புக், டுவிட்டர் உறுதி
  • Leave a Reply

    Your email address will not be published. Required fields are marked as *

    *