கியாஸ் டேங்கர் லாரி உரிமையாளர்கள் போராட்டம் 2வது நாளாக தொடர்கிறது

gas_tanker_lorryதென்மண்டல பல்க் எல்.பி.ஜி. டேங்கர் லாரி உரிமையாளர்கள் சங்க உறுப்பினர்களுக்கு சொந்தமாக மொத்தம் 7,500 கியாஸ் டேங்கர் லாரிகள் உள்ளன. இவற்றில் 4,500 டேங்கர் லாரிகள் இந்தியா முழுவதும் இயக்கப்பட்டு வருகின்றன. மீதமுள்ள 3 ஆயிரம் டேங்கர் லாரிகள் புதிய டெண்டரை எதிர்நோக்கி உள்ளன.
இந்தநிலையில் புதிய வாடகை டெண்டரை எண்ணெய் நிறுவனங்கள் கடந்த ஜனவரி மாதம் 23-ந் தேதி அறிவித்தது. மேலும் மண்டல வாரியாக நடத்தப்பட்ட டெண்டர் நடைமுறையில் மாற்றம் செய்து, ஒவ்வொரு மாநிலத்துக்கும் தனித்தனி டெண்டர் என்ற புதிய முறையை எண்ணெய் நிறுவனங்கள் அறிவித்துள்ளன.
இந்த புதிய டெண்டர் நடைமுறை மூலம் ஒரு வாகனம் எந்த மாநிலத்தில் பதிவு செய்யப்பட்டு உள்ளதோ, அந்த மாநிலத்தில் நடைபெறும் டெண்டரில் தான் பங்கேற்க முடியும் என்ற நிலை உருவாகி உள்ளது.
எனவே இதற்கு எதிர்ப்பு தெரிவித்தும், மாநில அளவிலான வாடகை டெண்டர் நடைமுறையை திரும்பப்பெற வலியுறுத்தியும் நேற்று முதல் காலவரையற்ற வேலைநிறுத்த போராட்டம் நடத்துவது என்று நாமக்கல்லில் நடந்த தென்மண்டல பல்க் எல்.பி.ஜி. டேங்கர் லாரி உரிமையாளர்கள் சங்க பொதுக்குழு கூட்டத்தில் தீர்மானம் நிறைவேற்றப்பட்டது.
அதன்படி, எல்.பி.ஜி. டேங்கர் லாரி உரிமையாளர்கள் நேற்று முதல் திட்டமிட்டபடி வேலைநிறுத்த போராட்டத்தில் ஈடுபட்டனர்.  இந்த போராட்டம் இன்று 2வது நாளாக தொடர்கிறது.
இதனால் தமிழகம், ஆந்திரா, கர்நாடகா, கேரளா, புதுச்சேரி, தெலுங்கானா ஆகிய தென்மாநிலங்களில் சமையல் எரிவாயு தட்டுப்பாடு ஏற்படும் அபாயம் உள்ளது.





Related News

  • தமிழகத்தில் ஆக்கிரமிக்கப்பட்டுள்ள கோவில் நிலங்களை 6 மாதத்தில் மீட்க வேண்டும் ஐகோர்ட்டு அதிரடி உத்தரவு
  • முதல்வர் பழனிசாமி மீது சி.பி.ஐ., விசாரணை கூடாது – லஞ்ச ஒழிப்பு துறை அப்பீல்
  • கங்கை நதி தூய்மையாகும் என்கிறார் நிதின் கட்கரி
  • முஸ்லிம் ஜமாத்தில் இருந்து நீக்கப்பட்டார் ரஹானா
  • ஜெயலலிதாவின் இறுதி சடங்கிற்கு அரசு செலவு எவ்வளவு?
  • திருவாரூர் தியாகராஜர் கோவிலில் 2வது நாளாக ஆய்வு
  • இந்திய துணை கண்டத்தில் அதிக திட்டங்களை கொண்டு வந்தது ஜெயலலிதா அரசு
  • தீபாவளி சிறப்பு பஸ்களில் கூடுதல் கட்டணம் இல்லை
  • Leave a Reply

    Your email address will not be published. Required fields are marked as *

    *