டொயோட்டா இன்னோவா புதிய விலை

ekuruvi-aiya8-X3

Toyota-Fortuner-And-Innovaடொயோட்டா கிர்லோஸ்கர் மோட்டார் நிறுவனம் ஃபார்ச்சூனர் மற்றும் இன்னோவா க்ரிஸ்டா மாடல்களில் புதிய அம்சங்களை சேர்த்துள்ளது. பல்வேறு வேரியன்ட்களில் கிடைக்கும் இன்னோவா க்ரிஸ்டா மற்றும் ஃபார்ச்சூனர் மாடல்களில் பல்வேறு புதிய அம்சங்கள் சேர்க்கப்பட்டுள்ளது.

அந்த வகையில் எமர்ஜென்சி பிரேக் சிக்னல், பின்புறம் ஃபாக் லேம்ப்கள், முன்பக்கம் எல்இடி ஃபாக் லேம்ப்கள், ஆன்டி-தெஃப்ட் அலாரம், கிளாஸ் பிரேக் மற்றும் அல்ட்ராசோனிக் சென்சார் போன்றவை வழங்கப்படுகிறது. புதிய அம்சங்களுடன் கார்களின் விலையும் மாற்றியமைக்கப்பட்டுள்ளது.

அவ்வாறு இன்னோவா க்ரிஸ்டா மாடலின் விலை ரூ.30,000 வரை, இன்னோவா க்ரிஸ்டா டூரிங் ஸ்போர்ட் விலை ரூ.44,000 வரை அதிகரிக்கப்பட்டுள்ளது. புதிய அம்சங்கள் நிறைந்த பார்ச்சூனர் மாடலின் விலை ரூ.58,000 வரை அதிகரிக்கப்பட்டுள்ளது.

கூடுதலாக இன்னோவா க்ரிஸ்டா GX வேரியன்ட் டச்ஸ்கிரீன் இன்ஃபோடெயின்மென்ட் சிஸ்டம், ஸ்டீரிங் மவுன்ட் செய்யப்பட்ட ஆடியோ கன்ட்ரோல்கள், பவர்-ஃபோல்டிங் விங் மிரர்கள் போன்ற அம்சங்கள் சேர்க்கப்பட்டுள்ளன. டொயோட்டா ஃபார்ச்சூனர் மாடலில் மேம்படுத்தப்பட்ட சீட், எலெக்ட்ரோமேடிக் உள்புற ரியர்-வியூ மிரர் வழங்கப்பட்டுள்ளது.

விலை மாற்றப்பட்டதோடு மட்டுமின்றி, புதிய கார்களுக்கான ஆன்-ரோடு விலை செப்டம்பர் 1-ம் தேதி முதல் மாற்றியமைக்கப்பட்டுள்ளது. புதிய கார் மற்றும் இரு சக்கர வாகனங்களுக்கு நீண்டகால மூன்றாம் நபர் இன்சூரன்ஸ் திட்டம் கட்டாயம் ஆனது.

அதன்படி, 1,000 சி.சி.க்கு குறைவான என்ஜின் திறன் கொண்ட கார்களுக்கு 3 ஆண்டுகளுக்கான மூன்றாம் நபர் இன்சூரன்ஸ் தொகை ரூ.5,286 ஆகும். 1,000 முதல் 1,500 சி.சி. வரையிலான என்ஜின் திறன் கொண்ட கார்களுக்கான மூன்றாம் நபர் காப்பீடு தொகை ரூ.9,534 என்றும், 1,500 சி.சி.க்கும் அதிகமான என்ஜின் திறன் கொண்ட கார்களுக்கான மூன்றாம் நபர் இன்சூரன்ஸ் தொகை ரூ.24,305 ஆகவும் நிர்ணயிக்கப்பட்டு உள்ளது.

Share This Post

Post Comment