தெற்கு இரயில்வேயின் மகளிர் தினப்பரிசு என்ன தெரியுமா?

ரெயில் பெட்டியில் ஆண்கள் மத்தியில் ஒரு பெண் மட்டும் பயணம் செய்ய நேர்ந்தால் இருக்கையை மாற்றிக்கொள்ளும் வசதியை தெற்கு ரெயில்வே அறிமுகப்படுத்தியுள்ளது. இதற்கு உதவுவதற்கு ஒரு பெண் அதிகாரியும் நியமிக்கப்பட்டுள்ளார்.

southern_Railwayரெயில் பெட்டிகளில் இருக்கை ஒதுக்கீட்டில் ஆண் பயணிகள் மத்தியில் பெண் பயணி ஒருவர் மட்டும் தனியாக பயணம் செய்யும்போது, பாதுகாப்பற்ற சூழலை அவர் உணரவேண்டிய நிலை ஏற்படும். இதை நிவர்த்தி செய்து, அத்தகைய பெண் பயணிகளுக்கு உகந்த சூழலை ஏற்படுத்த தெற்கு ரெயில்வே சிறப்பு கவனம் செலுத்தியுள்ளது. அதன்படி, ரெயில்களில் தனியாக செல்லும் பெண் பயணிகளின் உதவிக்காக பிரத்யேகமாக பெண் அதிகாரி ஒருவர் நியமிக்கப்பட்டுள்ளார். ரெயில்களில் தனியாக செல்லும் பெண் பயணிகள், உதவி தேவைப்பட்டால் உதவி வணிக மேலாளர் அமுதா என்ற அதிகாரியை 9003160980 என்ற எண்ணில் தொடர்பு கொள்ளலாம்.

சம்பந்தப்பட்ட பெண் பயணிகளின் குறைபாடுகளை களைந்து, அவருடைய இருக்கை மற்றும் படுக்கையை வேறு இடத்திற்கு மாற்றி சுமுகமான மற்றும் பாதுகாப்பான பயணத்தை உறுதி செய்வதற்கு உடனடியாக நடவடிக்கை எடுக்கப்படும். புகார் தெரிவிப்பதற்கு உரிய சூழல் மற்றும் புகார் உண்மையாக இருக்கும் பட்சத்தில் நடவடிக்கை எடுக்கப்படும். புகார்தாரர் தன்னுடைய பெயர் மற்றும் செல்போன் எண் ஆகியவற்றை குறிப்பிடவேண்டும்.

பெண் பயணிகளின் பாதுகாப்பு கருதி இந்த நடவடிக்கை மேற்கொள்ளப்பட்டுள்ளது. இதுதவிர பெண் பயணிகள் பாதுகாப்பு தொடர்பான குறைபாடுகளுக்கு பிரத்யேக ஹெல்ப்லைன் ’182’ வசதி உள்ளது. இதனை 24 மணி நேரமும் பயன்படுத்தலாம் என்று தெற்கு ரயில்வே நிர்வாகம் அளித்த அறிக்கையில் கூறப்பட்டுள்ளது.






Related News

  • தமிழகம், கேரளாவில் 2 நாட்களுக்கு கனமழை வாய்ப்பு
  • சபரிமலையில் 200 பேர் மீது வழக்கு – போலீசார் குவிப்பு
  • ராம் லீலாவில் ராவணன் வேடம் அணிந்தவரும் ரெயில் விபத்து பலி
  • விவசாயிகளின் ரூ.5.5 கோடி கடனை அடைக்க முன்வந்தார் அமிதாப் பச்சன்
  • சபரிமலை அய்யப்பன் கோவிலைப் பூட்டி சாவியை ஒப்படைக்க முடிவு – தலைமை தந்திரி அறிவிப்பு
  • சபரிமலைக்குள் செல்ல முயன்ற சர்ச்சைக்குரிய பெண்ணியவாதி ரஹானா பாத்திமா – போலீஸ் மீது அரசு காட்டம்
  • பலத்த போலீஸ் பாதுகாப்புடன் பெண் பத்திரிக்கையாளர் சபரிமலை பயணம் – அய்யப்ப பக்தர்கள் முழக்கம்
  • இலங்கை மற்றும் தமிழக மீனவர்கள் நல்ல நண்பர்களாக உள்ளனர்- இலங்கை அமைச்சர் சாமிநாதன்
  • Leave a Reply

    Your email address will not be published. Required fields are marked as *

    *